News

Tesetai en inguni en dagoreti corner  tetutyetab koititshetab  kuraishek chebo birikab kura chebo kot neking’oten ng’otutik nebo Kibra en en county nebo Nairobi.

Kibra by-elections tallying ongoing as residents await election results.

News

Tesetai en inguni en dagoreti corner  tetutyetab koititshetab  kuraishek chebo birikab kura chebo kot neking’oten ng’otutik nebo Kibra en en county nebo Nairobi.

Kagiger ketesyosyek chekibiren kura en sait 5pm ole niton ko biretab kura nekatestai en betut komugul angandan kamiten ingwony koitetab birikab kura chekaimongei kiptubotoi ak kamong’unetab chechaang en kandoik.Agot kounoton ko alak en tuguk che kakibaoryanchi en lewenishoniton ko kachutetabkei en alak en ketesyosyekab biretab kura kosubkei ak terchinosiek en kwenutab birikab kura ak alak en kobelik ak kandoik.

Kabiit kora youtikab  lipanetab birikab kura asikobiit kowal telelenywan ole Kakinam biik 2 en ketesosiek cheterter chekibiren kura en kot nekingoten ngatutik nebo kibra.

Bichoton kwony ak muren ko kakinam en ketesiet nekibiren kura nebo YMCA ak nebo sugulitab primary nebo Old Kibra.Kakirinda kandoik chetercin youtichoton bo lipanetab birikab kura ole kamwa Junet Mohammded ne ine ko Director  nebo lewenishet en chamaitab ODM kole kanerekyi chamainoton kiit nekamwa kole kaigoito report koityi ofisaekap police kousbkei ak youtichoton kobaten makiib kokwoutik en chokinet.

Kates kobor komong’unet Junet kole wendi kobelishe Imran Okoth ne ine koborcingei ng’echeranoton en chamaitab ODM angandan kamwa kolemoimongei  birikab kura chechaang ne kikebaoryanchi en kasarta nekoi en biretab kura neming’in en kebeberwek cheterchin en emoni.

En komostanyin korirtaen chamaitab ODM senator nebo Kericho Aron Cheruiyot ne ine kotie Macdonald Mariga neborchinegi en chamaitab Jubilee en nekamwa kole   kaiyokto barnotik komu birikab kura chekabirchin kura Mariga . Kamwa kole nyolu kikochi chitugul boroindo nebo kosuldaen imandanyin nebo lewenishet.

Kabir kura kondoindetab chamaitab ODM Raila Odinga en sugulitab primary nebo OLD Kibra ole kochupto ine youtikab aletab birikab kura nekakibaoryanchi ak  kamach kikochi boroindo mengikab Kibra nebo kolwen konoindenywan.Kasom ine meng’ikab Kibra koker kole kaigimit kalyet en teutyoniton

Kabir kura Eliud Owalo neborchingei ng’echeranoton koboisien tikititab chamitab ANC en sugulitab primary nebo Old Kibra ole komiten ak kondoindetab chamitab ANC Musalia Mudavadi..

Koikoito kurset owalo koitchi commission nebo IEBC nebo koger kole kaisuldaen lewenisionotn en oret neititayat kou en ngatutik.

En kasaraton komaimuch kobir kura Macdonald Mariga neboisien tikititab chamaitab Jubilee kosupgei ak nemasirat inee en komasatan, akot kounoton kobor kaimetabgei inee en nekamwa kole tomo konyor boroindo nebo kobir kura biikab emoni chemengisie en emotinwekab sang.

Kabir kura Bernard Imran Okoth neboisien tikititab chamitab ODM en borchinetabgei nebo ngecheranoton en suglitab Old Kibra ole koikoito kurset koitchi icheget tugul chekoimongei koborchigei ngecheranoton nebo koger kole kaamnda ichek kibagenge nebo biikab kibra. Ak en yoton kochptp inee yautik chetinygei ak aletab birikab kura.

Kosubkei ak commission nebo IEBC ko tetaat kobir kura birikab kura 118,658 kobirchi biik cheite 24 cheborchingei ng’echeranoton kobaten kibwotyin kobiit kobeletabkei missing en kwenutab Macdonald Mariga nebo chamaitab Jubilee ak Imran Okoth nebo chamaitab ODM.

Kibire Kura neming’in en Kibra kosubkei ak nekiibet sobenyin negi MP nebo Kebeberatak Ken Okoth en arawetab 7 en  kenyini kosubkei ak miondab seryat ole kibwotyin kobir kura birikab kura 118,658 .

Leave a Reply

Your email address will not be published. Required fields are marked *