News

Bendi kobenie ketesyetab police en kembouni kora en kasarta nebo oeng minister nebo lengut en emoni Hentry Rotich koboto PS nebo ministry inoton Kamau Thugge , niton ko kosubkei ak nagegrta ichek kasarta komaityi magutik tugul chemogotin asikobiit komanda ichek Bail en raini.

Kimwarer and Arror dams Scandal.

News

Bendi kobenie ketesyetab police en kembouni kora en kasarta nebo oeng minister nebo lengut en emoni Hentry Rotich koboto PS nebo ministry inoton Kamau Thugge , niton ko kosubkei ak nagegrta ichek kasarta komaityi magutik tugul chemogotin asikobiit komanda ichek Bail en raini.

Tetaat kowong magutikab kichunda ichek en bail en betutab mutai.Agot kounoton ko Kaichunda
kapkirwok nebo millimani en yuton Nairobi
Henry Rotich ak PS nebo ministry inoton
Kamau Thugge en Cash Bail nebo siling
millionishek 15 anan ko bond nebo sililing
millionishek konom kaichunda kora negi
Director nebo Kipagengeitab KVDA David
Kimosop, William Kipkemboi Maina,Paul
Kipkoech Serem,Geofrey Wakhungu,
Wolinya Ongare,Bonyface Mamboleo ak biik

alak chjegaitita kapkirwok en bond chebo
chepkondok cheterchin, niton ko kosubkei
ak kirwoget netinyegei ak boishetab
chepondok en oret nemonyolu
chegigagitobonchi teksetab silangosiekab
Aror ak Kimwarer en county nebo Elgeyo
Marakwet.

Kates ogoti kole momiten agetugul en ichek
nenyolu koitita olecham koboishen en
mwaet kole yoton en inguni ko oletesentai
chigilisyet anan Crime Scenes kamwa kole
en kasarta negagimach koba ichek kobendi
ak ofisaekap chigilisyet.Kaigochi kora ichek
kapkirwok kurset komatkong’em baornatet
ole monyolu kotuiyo ichek ak baorinik en
kirwogonoton. Kang’at kapkirwok kometo
ichek baronokab rutoito en kapkirwok ak en
alak en ichek chegamoib ko kaging’at koib
en kasartab saishek 48.

 

Kigimwaitaen Hentry Rotich, Kamau
Thugge, Susan Jemtai Koech ne ine ko PS
en ministry nebo kipagengeitab
emotinwekab Africa anan East African
Community PS koboto negi Managing
Director en Kipagengeitab Kerio Valley
Development Authority KVDA David
Kipchumba Kimosop kele kiituyogei ichek
asikobiit koib chepkondokab boror
kiptubotoi ak ng’otutik, butetab ng’otutik
chetinyegei ak Procurement koboto
nemwaat kele kiisuldaen teksetab
silangosiechoton komatet tetutik chenin,
boishetab office en oret nemonyolu ak
lelutik alak. Tettat kogon kapkirwok
torigitab Pre-Trial en torigit 8 en
arawetab 8 en kenyini.

En tai ko Kaesio kirwogutik chegagiyotyi
ichek ole kasom ogilyek chegatononchin
ichek kapkirwok kochunda ichek en
bond.Agenge en ogilyechoton ko senator
nebo Elgeyo Marakwet Kipchumba
Murkomen negamwa ine kole kigoboishechi
Rotich emoni en kasarta negoi agomaimuch
komwei ine yegichunda en Bond. Logoiwek
chegarob ogilyot Kioko Kilukumi negamwa
kole chobotin bichoton kobois ak
kiapgengeitab segeishet nebo DCI.Kamwa
kole kigotestai Rotich kobois ak DCI en
kasarta negigosirto ak kogoito logoiwek
tugul chegigimogen ine.

Leave a Reply

Your email address will not be published. Required fields are marked *