News

President Uhuru Kenyatta and Dep.President William Ruto lead Kenyans in marking annual KRA Tax Payers Day as Safaricom is feted for being top tax payer in Kenya.

News

Kosupgei ak niton kokoito kurset president Kenyatta koitchi ofisaek chetinygei ak kayumetab aisurut chebo KRA nebo koger kole koisub ngatutik ak komwata chi agetugul neimuch kotete kobut ngatutik chetinygei ak libanetab aisurusiek en emoni.

En kasaraton kongat kondoindetab emet kibagengeisiek chetinygei ak kayumetab aisurut nebo koibchi kokwoutikab ngatutik kibagenegeisekab serkali chemoliboni aisrusiek kou olenylu.

Kotinygei ak kirwogutik chetinygei ak libanetab aisurusiek kokoito kurset president Kenyatta koitchi kapkirwok chebo emoni nebo kochokchi kasetab kirwogutichoton ak kongat Tribunal nekikichob kogas kongunyngunyosiek nebo kokoito report nenywan en kasartab arawek 3 chemiten tai akobo kokwoutik chekokosuldaen.

Akot kounoton komwoe nebo negcheret en Board nebo kibagengeitab KRA, Amb. Francis Muthaura kole en nguni koboisen kibagengeinoton alak en tetutik en nebo kocheng wolutik chetinygei ak lelutik en libanetab aisurusiek chekamwa inee kole en kikoib chiletabgei en kapkirwok chebo emoni. Kosupgei ak Muthaura komwoe kole tetutionoton kokimuktechi KRA koyum rabsiek cheite billion 8 en kenyitab mungaret nebo 2018/2019.

En kenyitab mungaret nebo 2018/2019 kongong KRA kole kimuch koyum asurut neite silingisek Trillion 1.58 ak en kasarat neu noton en kenyitab mungaret nebo 2017/2018 kokimuch koyum 1.4 Trillion.

Leave a Reply

Your email address will not be published. Required fields are marked *